為什麼veh學台語拼音 林慧婷
為什麼veh學台語拼音 林慧婷~~ 學台語拼音有nng個主要e原因，第一是方便咱讀文章，尤其是hia對台語m是gai認識e人來講，台語拼音會sai ho yin看到dor會hiau講，會hiau講dor ka簡單去了解意思；第二e原因，我感覺ka重要，he dor是避免漢字造成e誤會，因為每一種語言有伊形成e環境gah背景，是無法度每一個辭di另外一個語言攏有辦法找到一個互相對應e辭，而且咱已經習慣用華語e角度去了解漢字所表達e意思，所以若是用全漢字來寫文章，可能會造成理解上e誤會。 除了zit nng種原因之外，台語拼音ma是教育母語e一種好方法；因為di我zit ma e生活圈內底，主要使用e語言是華語，而且會hiau講台語e人ma無濟，本來會hiau講e人ma會因為生活圈所使用e語言e關係，漸漸失去講台語e能力，會hiau聽ve hiau講e人ma lu來lu濟。所以因為台語拼音e系統會sai ho有心學台語e人，提供一個簡單iu gorh趣味e入門方法。 ----- more