“落雨聲”引阮想爸母
材料系 林玉羚
因ui zit學期選了張老師e課，ho我知影安怎用daiqi來寫出我e感想，zit gui工聽了“落雨聲”zit首daiqi歌，ho我心內足感動e，所以zit篇短文dor是愛來寫我對hit首歌e感想。以下是zit首歌e歌詞。
落雨聲 唱：江蕙
作詞：方文山 作曲：周杰倫
落雨聲 na親像一條歌 誰知影 阮越頭m敢聽
異鄉e我 一個人起畏寒 寂寞e雨聲 捶阮心肝
人孤單 像斷翅e鳥隻 飛ve行 gam講是阮e命
故鄉e山 永遠攏站di hia 阮e心晟只有講ho山來聽
來到故鄉e海岸 景色猶原攏總無變化
當初離開是ui啥 你若問阮 阮心肝dor疼
你若veh友孝序大 m免等好額 世間有阿母惜e qin-a上好命
出社會走闖deh gah人拼輸贏 為著啥 家己m知影
你若veh友孝序大 m免等好額 世間有阿母惜e qin-a上好命
M通等成功veh來接阿母住 阿母啊 已經無di hia 哭出聲 無人惜命命
Zit條歌是le講述一個遠赴異鄉e遊子思念阿母e心情，一開始e落雨聲ho伊開始想起故鄉e一切，但是伊愈想愈艱苦，想著厝內e阿母，伊著開始心痛，因ui足久無轉去故鄉，m知故鄉e環境ga si大變了安怎，接落來伊用斷翅e鳥來講伊自己，講伊離開故鄉di異鄉拍拚，但是攏無什麼成就，zit種心晟m知veh對什麼人講起，所以伊只好講ho山來聽lo。後來伊轉去故鄉，看著故鄉e一切攏無啥變，但是厝內e阿爸阿母已經無di hia，所以伊著講出伊心內e感想，na veh友孝序大m免等好額，因ui有阿母惜eqin-a是上好命e，阿爸阿母ui著生活di le走衝，是ui了厝內e子女，希望子女edang過了舒適e生活，伊ma gah天下所有e子女講，m免等成功ziah來友孝父母，因ui父母有可能等無到hit le時陣lo。
Ui我大學開始，ma是離開我生活18冬e嘉義，到現在三年lo，ma無返去外濟bi，有時陣會想，我以後出社會了後是m是會足少轉去，我ma是一le外鄉e遊子，有時陣著會足想足想嘉義e，但是現實上因ui足濟代誌，ho我攏vedang轉去，所以當我聽著zit首歌e時，我e鼻頭著開始酸起來，因ui zit條歌e意境gah我e心境居然hia nia接近，所以我決定veh將zit條歌用吉他學起來，每當唱著zit條歌，就會警惕我主動去關心阿爸、阿母。
more
Original Post on Pixnet