祝媽媽永遠健康、快樂
戴嘉偉
閣過無幾工就是一年一gaiｅ母親節，雖然講母親節逐年攏le過，m閣sua m是每一gai我攏有特別寫卡片來送你。今年是我出生以來第二十gaiｅ母親節，ma是一個特殊ｅ日子，趁著一gaiｅ機會，我想veh好好仔來感謝你這二十年來辛勞ｅ照顧。
自從我有記憶以來，我會記zit每一工你總是咱厝內上早起床ｅhit個，負責叫逐個人起來上班上課，閣會替大家準備早頓。厝內ｅ大小事，親像煮飯、拚掃、洗衫、洗碗，你ma攏棄嫌ｅ往身上擔。無論透風落雨，你ma攏會陪我去坐車去學校讀冊，ui小學gau高中，無due一工無來。雖然你zit個人替逐個做ziah濟代誌，但是你從來mvat講過半句怨氣ｅ話。你對阮每一個人ｅ付出，絕對值得阮對你ｅ感謝。
閣會記zit我細漢ｅ時陣vat送過你我家已畫ｅ卡片，雖然講我ｅ美術天份無外好，畫e圖當然ma無講足好看，但是你ia是足歡喜ga伊收ho好勢好勢，到今仔日閣edang teh出來欣賞。猶閣有一gai我用考試考滿分e獎勵去換zit個edang放音樂ｅ珠寶keh仔當做li物送你，看著你收diorh了後歡喜ｅ心情，我ma感覺非常快樂。你就是ziah ni a ho人歡喜，ziah ni a 得人尊重。zimma我已經大漢，ma已經讀ga大學，vedang像以前按呢di厝ho你照顧為你分憂，但是di zit個特別e日子，我ia是袂祝福你母親節快樂，有你辛勞ｅ照顧，ziah有阮今仔日ｅ成就。感謝你對阮ｅ養育之恩，雖然阮 zimma iau無能力趁錢來ga恁友孝，但是有一工我一定ｅ好好仔來ga恁照顧，盡著身為子女應盡ｅ責任，ma祝福你永遠健康、永遠快樂。
more
Original Post on Pixnet