生前一粒豆，kah贏死後拜豬頭
黃亭瑜
一年攏有十二月，母親逐月攏陪咱過。
一月吃圓仔燒燙燙，親像阿母ga阮添衫驚阮天冷會寒(guann)著無夠穿。
二月拿紅包笑hai-hai，親像阿母家己食歹穿歹ma愛ho阮有錢開。
三月ｅ花蕊開水水，親像阿母看阮ｅ成功會比阮家己gorh kah歡喜。
四月ｅ小雨落綿綿，親像阿母m管阮是m是會成事攏會ga阮支持。
五月ｅ清風微微吹，親像阿母溫柔ｅ雙手ga阮照顧gah無所不至。
六月ｅ茉莉香貢貢，親像阿母ｅ目睭內伊ｅ囝兒絕對ve比別人憨。
七月ｅ日頭赤炎炎，親像阿母對阮ｅ教訓希望阮mtang行事不正。
八月過中秋月圓圓，親像阿母m管幾歲攏ga阮當作愛照顧ｅ細漢囝。
九月ｅ風颱直直來，親像阿母無管有償無償攏會一直對阮付出ｅ愛。
十月ｅ國旗處處是，親像阿母辛苦ciann養阮大漢ui zit塊土地也未富裕ｅ時。
十一月天氣漸漸寒(han)，m-gor阿母無管天氣外冷攏m驚艱苦為阮款三餐(can)。
十二月年尾人人歇，m-gor阿母一年到尾逐工為阮無閒誰人ho伊薪水ho伊歇。
一年過了擱一年，阿母ｅ恩情是kah大天。Mgor咱卻定定會以為阿母對阮ｅ用心照顧無算啥mih。朋友啊！勸lin一句話，mtang ga阿母ｅciann養恩情當作是小可代誌，趁著咱ｅ父母攏也gorh di，緊ga你對阿母ｅ感激對伊表示、伊會非常歡喜。會記li俗語有de講：『生前一粒豆，kah贏死後拜豬頭』。
more
Original Post on Pixnet