台語期中考 精彩片段 李軝
4.
a.為什麼veh讀經典？
經典作品是，咱讀了後，會使吸收以前人ｅ智慧，閣會使開拓家己ｅ人生視野。而且每一gai重溫，攏會di咱心內底ｅ田ia落知識ｅ種籽，等時間到啊，diorh會長成一大片長滿果實ｅ樹林，咱會使用ziaｅ果實去面對人生ｅ難題。
b. 為什麼veh經典台譯？
台語是阮ｅ母語，假若阮di讀經典ｅ時陣，是以台語文學ｅ技巧gah方式去讀，會感覺真親切，而且真有趣味。閣會使看著台語e文學修辭，每讀一擺，攏會使使咱e台語進步。
c. 為什麼《聖誕鐘聲》一再盛行ve退？
Zit本冊使人了解聖誕節真正ｅ精神，diorh是祝福所有ｅ人攏會使幸福快樂。而且ho看過ｅ人攏感覺真感動，比較今仔日ｅ社會，深深了解啥物是人生真正ｅ價值。
5.為什麼文學作品藉以民間故事gah信仰節慶e角度寫就？
假若文學作品以民間故事作為伊ｅ故事情景，na讀ｅ人diorh會感覺真親切，卡緊行入故事ｅ情景。閣來為啥愛用信仰節慶e角度去寫就，可能是真濟人無真正了解信仰節慶e意義，作家以真簡單、真趣味e方式用文學作品去表達，卡會使使人真正了解。
6. 《聖誕鐘聲》中，Marley e鬼魂gah三個精靈分別扮演什麼角色？
Zit四個角色對Scrooge人格氣度影響如何？
Marley：Scrooge以前e好朋友，來幫助伊去改變伊e未來。
第一個精靈：Scrooge e過去
第二個精靈：Scrooge e現在
第三個精靈：Scrooge e未來(死神)
故事一開始Scrooge真愛錢，ma無愛gah人交流，使得伊lu來lu孤僻。Mgor伊ｅ朋友死人Marley來cue伊，對伊講：「你ga有機會去改變你ｅ未來。」Marley cue來三個精靈去幫助Scrooge。第一ｅ精靈cua Scrooge去看伊ｅ過去，ho伊了解以前真濟人對伊足好，而且當時感覺足感心ｅ，相較伊zitmaｅ情形，使伊ｅ心境開始改變。第二ｅ精靈cua Scrooge去看今日聖誕節伊ｅ外甥過節ｅ情形，看著別人ga伊當做笑話，使伊心內底足痛苦ｅ。了後伊gorh看著Bob in細漢qin-a Tim是一個殘廢，而且無錢去醫好，ho伊ｅ心中起了悲憫。第三ｅ精靈cua Scrooge去看伊ｅ未來，看著伊死ｅ時陣，無人替伊難過，mgor真濟人笑伊以前ｅ作為，使伊真懊悔。到最後，伊決定veh改變家己，做一個熱愛幫助別人ｅ好人。
Original Post on Pixnet