台語情書 謝政良
台語情書 謝政良 du我頭一gai看著你，你可愛ｅ笑容ho我ｅ心融化，hit時陣我diorh知影我已經愛著你啊。dng你歡喜ｅ時陣，我ma感覺zio歡喜ｅ，mgorh dng你心情無好ｅ時，我比你閣卡艱苦。你ｅ每zit個動作、每zit個表情攏牽動我ｅ心，你ｅ存在著親像空氣hiah nia自然，每zit工攏一定ai看diorh你，若是有zit工無看著你，我會ziok緊張，m知你是破病，ia是出了啥麼意外，hit工我會食ve落飯，上課ma無專心，歸工只想卡緊看著你。每gai di路上du著你，我攏ziok想veh ga你開講一下仔，mgorh你看起來攏ziok無閒ｅ，我ma歹勢去gah你講話。 雖然zitmaｅ我ga你iau無zio熟識，mgorh我真正zio想veh做你ｅ查甫朋友，想veh di你ｅ身軀邊照顧你、呵護你，ho你隨時攏zio歡喜ｅ，冬天時，我會使抱你ho你溫暖，你破病ｅ時，我會使di你ｅ身軀邊照顧你，你無歡喜ｅ時，我會使講笑話ho你笑。我一世人ma只ｅ愛你zit個人nia，我真正ziok愛你ｅ，希望zit世人會使娶你做我ｅ某。