拼音333教學法 教習心得
科管 吳依亭
我本身是台南人，di厝內大部分long是講台語，但是m知影為啥麼阮小弟ｅ台語實在無足好，有時陣會講出一寡由國語直接翻譯ｅ台語，聽起來怪怪，真有可能是因為伊愛看布袋戲，所以di無形中伊ｅ台語ma受著影響，聽起來比較ka文言。因此di學了拼音333，我決定轉去厝內一zua教小弟這個方法學台語。
一開始我teh出玟伶老師ｅ「動物報恩」講義，請伊唸看mai，雖然ve曉唸，可是ho伊知影全注音文生做啥款也是ve vai。
續落來我teh出台語拼音雙拼法ｅ講義，開始教伊唱雙拼旋律，而且配合手ｅ動作來加深印象。閣來是講解基礎音節，前音節內底有三個ka無仝ｅ音[bh]、[gh]、[ng]，我照老師教e，先gaㄅ gahㄍ搭配母音唸較出力，再放ka軟唸zia較無好發ｅ音，我發現按呢ｅ教法真好，弟弟唸gah真標準。而ㄘ配合母音雖然ve講真歹唸，但是以羅馬拼音ｅ方式dior會出現hiong hiong讀ve出來ｅ情形。後音節閣有子音音節ｅ部分攏進行gah真順利。
三大技巧ｅ部分，我cua弟弟閣再唱雙拼旋律，一次慢一次緊，續落來dior使用直接雙拼，弟弟真緊dior拼出來，伊giau我講雙拼旋律真讚，ho伊對音節ｅ拼組edang真熟。鼻化技巧，我先請弟弟將鼻仔denn diau due我唸「快快樂樂去學校……」，然後請伊將手放開保持鼻音直接唸，ma唸ga相當ve vai。先ho耳仔聽鼻音續落來直接用鼻音唸，效果足好。入聲技巧用講義內底ｅ表清楚緊唸，將音收起來。
變調e部分只有看講義內底e三個表有一寡無好vai，所以我搭配上課e投影片先做說明，ziah閣來加強練習，dior edang更加清楚體會變調ｅ問題。學完ziah以後，我閣teh出「動物報恩」e講義，發現弟弟會使唸了ve vai，雖然速度無緊。
整體講起來，我感覺拼音333zit個教學法真好，伊將內容真濟e台語拼音分作三e大部分，ho教人ｅ人閣有學習ｅ人攏總可以無負擔，而且ma使主題明顯、強化學習者e印象。有歌（雙拼旋律）有圖，ho人感覺活潑、學習起來ve講真無聊，增加學習者e意願。
Original Post on Pixnet